Eelamurasu Australia Online News Portal
அவுஸ்ரேலிய சீனியர் கிரிக்கெட் அணியின் புதிய பீல்டிங் பயிற்சியாளராக முன்னாள் விக்கெட் கீப்பர் பிராட் ஹாடின் நியமிக்கப்பட்டுள்ளார்.
அவுஸ்ரேலிய சீனியர் கிரிக்கெட் அணியின் பீல்டிங் பயிற்சியாளரான முன்னாள் பேட்ஸ்மேன்- மீடியம் பந்து வீச்சாளரான கிரேக் ப்ளிவெட் இருந்து வந்தார். இவர் தனது பதவியை ராஜினாமா செய்துள்ளார். சொந்த கிரிக்கெட் சங்கமான தெற்கு ஆஸ்திரேலியா கிரிக்கெட் சங்கத்தில் பணிபுரிவதற்காக தனது பதவியில் இருந்து விலகியுள்ளார்.
இதனால் பிராட் ஹாடின் புதிய பீல்டிங் பயிற்சியாளரான நியமிக்கப்பட்டுள்ளார். ஹாடின் 2019-ம் ஆண்டு வரை இந்த பதவியை விகிப்பார். பிராட் ஹாடின் அவுஸ்ரேலியாவிற்கு 66 டெஸ்ட் போட்டிகள் மற்றும் 126 ஒருநாள் போட்டிகளில் விளையாடியுள்ளார்.
அவுஸ்ரேலிய அணியின் பயிற்சியாளராக நிமிக்கப்பட்டுள்ளதால், இஸ்லாமாபாத் யுனைடெட் மற்றும் அவுஸ்ரேலிய ‘ஏ’ அணியின் பயிற்சியாளர் பதவியில் இருந்து விலக முடிவு செய்துள்ளார்.
அவுஸ்ரேலியா வங்காள தேசத்துடன் இரண்டு டெஸ்ட் போட்டிகள் கொண்ட தொடரிலும், அதன்பின் இந்தியா வந்து ஒருநாள் தொடரிலும் விளையாடுகிறது. பின்னர் மிகப்பெரிய தொடரான ஆஷஸ் தொடரில் விளையாட உள்ளது.