புதிய நோக்கியா ஸ்மார்ட்போன்கள்: பிப்ரவரி 26-இல் அறிமுகம்

சர்வதேச மொபைல் காங்கிரஸ் விழாவில் புதிய நோக்கியா ஸ்மார்ட்போன்கள் வெளியாகும் என முன்னதாக தகவல்கள் வெளியான தகவல்களில் கூறப்பட்டது. எச்எம்டி குளோபல் நிறுவனம் சமீபத்தில் நோக்கியா 6 ஸ்மார்ட்போனினை சீனாவில் வெளியிட்டது. இந்நிலையில் பிப்ரவரி மாத இறுதியில் நடைபெற இருக்கும் சர்வதேச மொபைல் காங்கிரஸ் விழாவிற்கான அழைப்புகளை வெளியிட்டுள்ளது.

வெளியாகியுள்ள அழைப்புகளை தொடர்ந்து எச்எம்டி குளோபல் நிறுவனம் பல்வேறு நோக்கியா 3, நோக்கியா 5 மற்றும் அனைத்து நாடுகளிலும் நோக்கியா 6 வெளியிட இருப்பதாக கூறப்படுகிறது. அதன் படி நோக்கியா 5 ஸ்மார்ட்போனில் 5.2 இன்ச் 720 பிக்சல் ரெசல்யூஷன் கொண்ட எச்டி டிஸ்ப்ளே, 2ஜிபி ரேம், 12 எம்பி பிரைமரி கேமரா, குவால்காம் ஸ்னாப்டிராகன் 430 சிப்செட் வழங்கப்படலாம் என கூறப்படுகிறது.

நோக்கியா 3 ஸ்மார்ட்போனில் வழங்கப்படவுள்ள சிறப்பம்சங்கள் குறித்து எவ்வித தகவலும் இல்லை, எனினும் நோக்கியா 3 ஸ்மார்ட்போன் இந்திய மதிப்பில் ரூ.11,000 வரை நிர்ணயம் செய்யப்படலாம் என்றும் நோக்கியா 6 மற்றும் நோக்கியா 5 முறையே ரூ.18,000 மற்றும் ரூ.14,000 வரை நிர்ணயம் செய்யப்படலாம் என எதிர்பார்க்கப்படுகின்றது.

ஏற்கனவே வெளியான தகவல்களில் நோக்கியா N சீரிஸ் ஸ்மார்ட்போன்கள் மீண்டும் வெளியாகும் என தெரிவித்தது. இதன் காரணமாக நோக்கியா N சீரிஸ் கொண்ட புதிய ஸ்மார்ட்போன்கள் பிப்ரவரி 22 ஆம் திகதி வெளியிடப்படும் என தெரிகிறது.