தலைவர் பிறந்தநாள்! தமிழர் நிமிர்ந்த நாள்!

தலைவர் பிறந்தநாள்!
தமிழர் நிமிர்ந்த நாள்!
மொழியாய்! விழியாய்!
வழியாய்! எங்கள் உயிராய்!
உணர்வாய்! அறிவாய்!
ஆற்றலாய்! மானமாய்!
வீரமாய்! எங்கள் முகமாய்!
முகவரியாய்!
பெருமைமிகு அடையாளமாய்!
பெரும்வீர வரலாறாய்
இருப்பவன் இவன்!
சுதந்திரக் காற்று! சுடரொளிக் கீற்று!
புரட்சியின் பெரும் வெடிப்பு!
தமிழ்த்தேசிய இனத்தின்
உயிர் துடிப்பு!
ஆண்டுப் பலவாய் அன்னைத்
தமிழ் அருந்தவமிருந்து பெற்ற மகன்!
புறநானூற்று வீரம் படைத்த மறவன்!
மண்ணின் மானம் காக்க
வீரர் படை நடத்தியவன் இவன்!
அடிமை வாழ்விலும் உரிமைச்சாவு
உயர்ந்ததென்று உணர்த்தியவன்!
இவன் எங்கள் தலைவன்!
எங்களின் அன்புமிகு அண்ணன்!
எங்களின் ஆண் தாய்!
தலைவன் பிறந்தான்!
தமிழன் நிமிர்ந்தான்!
எம் தலைவரின் பிறப்பு!
தமிழினச் சிறப்பு!
நிறைந்த அன்புகொண்டு
நெஞ்சார வாழ்த்துகிறோம்!
வாழ்க! வாழ்க! எம் இறையே!
வாழ்க! வாழ்க!
நீ நிறைய!
பிறந்த நாள் வாழ்த்துகள்!