மக்கள் வங்கியின் நிதி வழங்கல் தொடர்பில் ஆராயுமாறு நிதியமைச்சருக்கு கோரிக்கை

சீன உரக் கொடுக்கல் வாங்கல்களின் நிதி தொடர்பில் ஆராயுமாறு இலங்கை வங்கி ஊழியர் சங்கம் நிதி அமைச்சர் பசில் ராஜபக்ஷவிடம் கோரிக்கை விடுத்துள்ளது.

இலங்கை வங்கி ஊழியர் சங்கம் அனுப்பிய கடிதத்தின் மூலம் நிதியமைச்சருக்கு இது தெரிவிக்கப்பட்டுள்ளது.

மேலும் அது பற்றிய விவரங்கள் ஊடக அறிக்கை மூலம் தெரிவிக்கப்பட்டுள்ளன.

கடனை சரியான நேரத்தில் செலுத்தாவிட்டால், சீன உர நிறுவனத்தால் ஏற்கனவே அறிவிக்கப்பட்டபடி, விரும்பத்தகாத மற்றும் ஆரோக்கியமற்ற சூழ்நிலை ஏற்படலாம் என்பதை அறிக்கை குறிக்கிறது.

மேலும், மக்கள் வங்கியுடன் ஏற்கனவே கொடுக்கல் வாங்கலில் ஈடுபட்டுள்ள அல்லது அவ்வாறு ஈடுபட உத்தேசித்துள்ள பொது மக்கள் வங்கியின் மீதான நம்பிக்கையை இழக்க நேரிடும், இது நிறுவனத்தின் நற்பெயருக்கு சேதத்தை ஏற்படுத்தும் என்றும் அறிக்கையில் குறிப்பிடப்பட்டுள்ளது.

வங்கி தொடர்பில் ஊடகங்கள் ஊடாக தற்போது பரப்பப்படும் தேவையற்ற மற்றும் தவறான தகவல்கள் பரவுவதை தடுக்க நிதியமைச்சர் உடனடியாக தலையிடுமாறு கோரப்பட்டுள்ளது.

மேலும், மக்கள் வங்கி இத்தகைய முடிவுகளை எடுக்கக்கூடிய சட்டரீதியான தாக்கங்கள் மற்றும் சட்ட ஆலோசனை மற்றும் நீதிமன்ற உத்தரவின் அடிப்படையில் எடுக்கப்பட்டதாகவும், அதனால் சீன அரசாங்கத்திற்கு நிதி வழங்கப்படாதது மக்கள் வங்கியின் தவறல்ல என்றும் அந்த அறிக்கையில் மேலும் தெரிவிக்கப்பட்டுள்ளது.