Eelamurasu Australia Online News Portal
தமிழ் சினிமாவில் நடிகர், இயக்குனர் என புகழ் பெற்ற நடிகர் அர்ஜுன், எனக்கு அந்தளவுக்கு அறிவு இல்லை என்று கூறி இருக்கிறார்.
தமிழ் சினிமாவில் நடிகராகவும் இயக்குனராகவும் வலம் வருபவர் அர்ஜுன். இவருடைய தங்கை மகன் துருவ சார்ஜா நடிப்பில் உருவாக்கி இருக்கும் செம திமிரு படத்தின் பத்திரிகையாளர் சந்திப்பில் கலந்து கொண்டார்.
இதில் அர்ஜுனிடம் தேசபக்தி உள்ள நீங்கள் ஏன் அரசியலுக்கு வரவில்லை என்று கேள்வி கேட்கப்பட்டது. இதற்கு அர்ஜுன், சினிமாவில் ஒருநாள் முதல்வர் ஆகிவிடலாம். ஆனால் நிஜத்தில் அது போல் செய்ய முடியாது. அரசியல் வருவதற்கு நிறைய அறிவு வேண்டும். எனக்கு அந்த அளவிற்கு அறிவு இல்லை என்றார்.
மேலும் என்னுடைய தங்கை மகன் துருவ சார்ஜா, செம திமிரு படத்தில் நடித்து இருக்கிறார். எனக்கு கொடுத்த ஆதரவை அவருக்கும் தர வேண்டும் என்று கூறினார்.