Eelamurasu Australia Online News Portal
பிரம்மன், மாயவன் படங்களில் நடித்த லாவண்யா, விளம்பரத்தில் நடிக்க மறுத்து இருக்கிறார்.
சசிகுமார் ஜோடியாகப் பிரம்மன், சந்தீப் கிஷன் ஜோடியாக மாயவன் படங்களில் நடித்தவர் லாவண்யா திரிபாதி. இவர் தெலுங்கில் பல படங்களில் நடித்திருக்கிறார். கவர்ச்சி வேடங்களில் நடிக்காமல் இருந்தவருக்கு பட வாய்ப்புகள் குறைந்து காணப்பட்டது ஒரு கட்டத்துக்கு பிறகு கவர்ச்சி வேடங்களில் நடிக்கச் சம்மதித்தார்.
லாவண்யா சமூக அக்கறையுடன் தனது பணிகளை மேற்கொள்கிறார். தவிரத் தற்கொலைக்கு எதிராக விழிப்புணர்வு பிரசாரங்களிலும் ஈடுபடுகிறார்.
சமீபத்தில் இவருக்கு மதுபான நிறுவனம் ஒன்றிடமிருந்து விளம்பரத்தில் நடிக்க வாய்ப்பு வந்தது, அதற்காக பெரிய தொகை சம்பளம் தருவதாகத் தெரிவித்தனர். ஆனால் அதை லாவண்யா ஏற்கவில்லை. இந்த விளம்பரத்தில் நடிக்க விருப்பமில்லை என்று கூறிவிட்டார். காரணம் மதுபானம் என்பதால் மறுத்து விட்டாராம்.