விஷால் – ஆர்யா படத்தில் இணைந்த இளம் நடிகை

விஷால் நடிப்பில் தற்போது சக்ரா திரைப்படம் உருவாகி வருகிறது. சமீபத்தில் இதன் படப்பிடிப்பு முழுவதுமாக முடிந்தது. கொரோனா பரவலுக்கு முன்பே இதன் பெரும்பகுதி படப்பிடிப்பு முடிந்தது. விடுபட்ட சில காட்சிகளை தற்போது படமாக்கி உள்ளனர். இதற்காக 6 நாட்கள் படப்பிடிப்பை விஷால் செலவை குறைத்து சிக்கனமாக நடத்தி முடித்துள்ளார்.

இப்படத்தை அடுத்து அரிமா நம்பி, இருமுகன், நோட்டா படங்களை இயக்கிய ஆனந்த் சங்கர் இயக்கத்தில் விஷால் நடிக்க இருக்கிறார். இதில் விஷாலுக்கு ஜோடியாக மிருணாளினி நடிக்க இருக்கிறார். விஷாலுக்கு வில்லனாக ஆர்யா நடிக்க இருப்பதாக கூறப்படுகிறது.

இப்படத்தின் படப்பிடிப்பு இந்த மாதம் தொடங்க இருக்கிறது. விரைவில் இப்படத்தின் மற்ற நடிகர்கள், தொழில்நுட்ப கலைஞர்கள் பட்டியலை அதிகாரப்பூர்வமாக அறிவிக்க இருக்கிறார்கள்.