மனைவியையும், குழந்தையையும் கொலை செய்த தமிழர் தானும் தற்கொலை!

லண்டனில் உள்ள தொடர் மாடி குடியிருப்பு ஒன்றில் தனது மனைவியையும், மூன்று வயதான மகளையும் கோரமாகக் கொலை செய்த தமிழரான தந்தை ஒருவர், தானும் தற்கொலை செய்துகொண்ட பரிதாபகரமான சம்பவம் இன்று அதிகாலை இடம்பெற்றிருக்கின்றது.

இக்குடும்பத்தினர் மலேஷியத் தமிழர்கள் என லண்டன் தகவல்கள் தெரிவிக்கின்றன.

மூன்று வயது சிறுவனும் அவரது தாயும் குறிப்பிட்ட தொடர்மாடி குடியிருப்பில் இறந்து கிடந்தனர், புதன்கிழமை காலை தகவல் அறிந்த பிரிட்டிஷ் காவல் துறை அந்த வீட்டுக்குள் நுளைந்தபோது தந்தை தற்கொலை செய்து கொண்டதாக தகவல்கள் வந்துள்ளன.

36 வயதான பூர்ணா காமேஸ்வரி சிவராஜ் மற்றும் அவரது மகன் கைலாஷ் குகராஜ் ஆகியோர் குறிப்பிட்ட வீட்டில் இறந்து கிடந்தனர்.

கைலாஷின் தந்தையும், பூர்ணாவின் கணவருமான 42 வயதான குகராஜ் சிதம்பரநாதன், காவல் துறை அதிகாரிகள் வீட்டுக்குள் நுழைந்தபோது தன்னைத்தானே காயப்படுத்திக் கொண்டார் என்று காவல் துறை அறிக்கை ஒன்றில் தெரிவிக்கப்பட்டுள்ளது. அவர் சம்பவ இடத்திலேயே இறந்தார்.

“இந்த விசாரணையின் ஆரம்ப கட்டத்தில் நாங்கள் இருந்தபோதிலும், பூர்ணாவும் கைலாஷும் சில காலமாக இறந்துவிட்டதாகத் தெரிகிறது” என்று சிறப்பு குற்றக் கட்டளையைச் சேர்ந்த துப்பறியும் தலைமை ஆய்வாளர் சைமன் ஹார்டிங் கூறினார்.

“இது ஒரு கொலை விசாரணை மற்றும் அவர்களது கொலைகளுக்கும் குகராஜ் சிதம்பரநாதனின் மரணத்திற்கும் வழிவகுத்த நிகழ்வுகளின் வரிசையை கண்டறிவதற்கு எனது குழு விடாமுயற்சியுடன் செயல்படும்” என்று அவர் மேலும் கூறினார்.

மேற்கு லண்டனின் ப்ரெண்ட்ஃபோர்டில், அவர்கள் வாழ்ந்த கட்டிடத்தில் மலேசியாவில் பிறந்த தமிழர்கள் மற்றும் அவர்களது மகன் நட்பாகவும் நன்கு அறியப்பட்டவர்களாகவும் இருந்ததாகக் கூறப்படும் இந்த தம்பதியினரின் கொடூர மரணங்கள் அப்பகுதியில் அதிர்ச்சியை ஏற்படுத்தியுள்ளது.