Eelamurasu Australia Online News Portal
அடுத்த பொதுத்தேர்தலில் நீங்கள் தமிழ் தேசியக்கூட்டமைப்புடன் இணைந்து போட்டியிடப்போகின்றீர்களா என்று பிரதமர் மஹிந்த ராஜபக் ஷ தமிழ் முற்போக்கு கூட்டணியின் தலைவரும் நாடாளுமன்ற உறுப்பினருமான மனோ கணேசனிடம் கேள்வி எழுப்பியுள்ளார்.
மனோ கணேசனின் பிறந்த தினத்தை முன்னிட்டு அவருக்கு வாழ்த்து தெரிவித்த போதே பிரதமர் இவ்வாறு கேள்வி எழுப்பியுள்ளார்.
தொலைபேசியில் மனோ கணேசனுக்கு வாழ்த்து தெரிவித்த பிரதமர் பொதுத் தேர்தலில் தமிழ் தேசியக்கூட்டமைப்புடன் போட்டியிடப் போகின்றீர்களா அல்லது எங்களுடன் போட்டியிடப்போகின்றீர்களா? அல்லது தனித்து போட்டியிடப்போகின்றீர்களா? என்று கேள்வி எழுப்பியுள்ளார்.
இதற்கு பதிலளித்த மனோ கணேசன் தமிழ் தேசியக்கூட்டமைப்புடன் ஏன் நான் போட்டியிடவேண்டும். எம்மிடம் கட்சி உள்ளது. நாம் தனியாகவும் போட்டியிட முடியும் என்று தெரிவித்துள்ளார்.