நடிகையை பரிந்துரை செய்த சந்தானம்!

தமிழ் சினிமாவில் காமெடியனாக வலம் வந்த சந்தானம் தற்போது ஹீரோவாக நடித்து வலம் வருகிறார். இவர் நடித்த ‘தில்லுக்கு துட்டு’, ‘சக்க போடு போடு ராஜா’, ‘தில்லுக்கு துட்டு 2’ ‘ஏ 1’ போன்ற படங்கள் ரசிகர்களிடையே நல்ல வரவேற்பு பெற்றது. இதேபோல், சந்தானம் நடித்துள்ள `சர்வர் சுந்தரம்’, `ஓடி ஓடி உழைக்கணும்’, `மன்னவன் வந்தானடி’ உள்ளிட்ட படங்களும் ரிலீசுக்கு தயாராக இருக்கின்றன.

தற்போது டகால்டி படத்தில் நடித்துவரும் சந்தானம், அடுத்ததாக ஜெயம்கொண்டான் படத்தின் இயக்குநர் கண்ணன் இயக்கத்தில் உருவாகி வரும் ஆக்சன் காமெடி படம் ஒன்றில் நடிக்க உள்ளார். 2 கதாநாயகிகள் கொண்ட இப்படத்தில் ‘ஏ-1’ படத்தின் நாயகி தாரா அலிசாவை நடிக்க வைப்பதற்காக இயக்குநரிடம், சந்தானம் பரிந்துரை செய்துள்ளார். இதன்மூலம் நடிகர் சந்தானத்துடன், தாரா அலிசா மற்றும் ஸ்வாதி ஆகிய இருவரும் இணைந்து நடிக்க இருப்பது உறுதியாகியுள்ளது.