Eelamurasu Australia Online News Portal
பல வெற்றி படங்களுக்கு இசையமைத்த ஹாரிஸ் ஜெயராஜ், தற்போது தனது மகள் நிகிதாவை காப்பான் படத்தில் பாடகியாக அறிமுகமாக்கி இருக்கிறார்.
கே.வி.ஆனந்த் இயக்கத்தில் சூர்யா நடிக்கும் ‘காப்பான்’ திரைப்படத்தின் இசை வெளியீட்டு விழா சென்னையில் நடந்தது. இந்தப் படத்தில் ‘விண்ணில் விண்மீன்’ என்ற பாடலை படத்தின் இசையமைப்பாளர் ஹாரிஸ் ஜெயராஜின் மகள் நிகிதா பாடியுள்ளார்.
இசை வெளியீட்டு விழா மேடையில் இந்தப் பாடலை நிகிதா பாடவும் செய்தார். அவர் பாடி முடித்த பின், அவரது அப்பாவின் சிறந்த பாடல் எது, மோசமான பாடல் எது என்று கேட்கப்பட்டது. அதற்கு அவர், என் அப்பா இசையமைத்தது எல்லாமே சிறந்த பாடல்கள் தான். மோசமான பாடல் என்று எதுவும் கிடையாது என்று பதிலளித்தார்.
காப்பான் படத்தில் சூர்யாவுடன், மோகன்லால், ஆர்யா, சாயிஷா உள்ளிட்ட பலர் நடித்திருக்கிறார்கள்.