Eelamurasu Australia Online News Portal
சாய்ந்தமருது பிரதேசத்தில் கடந்த ஏப்ரல் மாதம் இடம்பெற்ற தற்கொலைக் குண்டுத் தாக்குதல்தாரிகளுக்கு தங்குவதற்கு வீடு பெற்றுக் கொடுப்பதற்கு உதவி புரிந்தார் என்ற குற்றச்சாட்டில் சந்தேகத்தின் பேரில் கைதுசெய்யப்பட்டு தடுப்புக் காவலில் வைத்து விசாரணை செய்யப்பட்டு வந்த இளைஞனை கல்முனை நீதிவான் நீதிமன்ற நீதிவான் ஐ.எம். றிஸ்வான் புதன்கிழமை (22) விடுதலை செய்துள்ளார்.
சஹ்ரான் குழுவினருக்கு வீடு பெற்றுக் கொடுப்பதற்கு உதவி புரிந்துள்ளாரென சந்தேகத்தின் பேரில் கடந்த 02 வாரங்களுக்கு முன்னர் பொலிஸாரினாலும், குற்றப்புலனாய்வு அதிகாரிகளாலும் பயங்கரவாத தடைச் சட்டத்தின் கீழ் குறித்த இளைஞன்கைது செய்யப்பட்டு தடுப்புக் காவலில் வைத்து விசாரணை செய்யப்பட்டு வந்தார்.
இச்சம்பவம் தொடர்பாக குறித்த இளைஞன் மீது முன்வைக்கப்பட்ட குற்றச்சாட்டு நிரூபிக்கப்படாமையினால் கல்முனை நீதிவான் நீதிமன்ற நீதிவான் ஐ.எம். றிஸ்வான் புதன்கிழமை (22) இளைஞனை விடுதலை செய்துள்ளார்.
இதேவேளை, கல்முனைக்குடி பிரதேசத்தில் சஹ்ரான் குழுவினருக்கு உதவிய குற்றச்சாட்டின் பேரில் கைதுசெய்யப்பட்டுள்ள 02 சந்தேக நபர்களையும் தடுத்து வைத்து விசாரணை செய்யுமாறு அம்பாறை குற்றப்புலனாய்வு பிரிவுக்கு நீதிமன்றம் புதன்கிழமை (22) உத்தரவிட்டுள்ளது.