பாடல்கள் இல்லாத அஜித் படம்!

பாலிவுட்டில் சூப்பர் ஹிட்டான ‘பிங்க்’ படத்தைத்தான் தமிழில் ரீமேக் செய்கின்றனர். இந்தப் படத்துக்கு யுவன் சங்கர் ராஜா இசையமைக்கிறார் என ஏற்கெனவே தகவல் வெளியானது. ஆனால், ஏ.ஆர்.ரஹ்மான் இசையமைக்கிறார் எனச் சில நாட்களாக வதந்தி பரவியது.

இந்நிலையில், யுவன் தான் இசையமைப்பாளர் என நெருக்கமான வட்டாரங்களில் இருந்து தகவல் கிடைத்துள்ளது. அஜித் நடிப்பில் ஏற்கெனவே வெளியான ‘பில்லா’, ‘மங்காத்தா’ மற்றும் ‘ஆரம்பம்’ படங்களுக்கு இசையமைத்திருக்கிறார் யுவன் சங்கர் ராஜா.

இன்னொரு விஷயம், ‘பிங்க்’ படத்தில் பாடல்கள் எதுவும் இல்லை. எனவே, இந்தப் படத்திலும் பாடல்கள் இருக்காது என்கிறார்கள். ஒருவேளை அஜித் ரசிகர்களுக்காகத் தமிழில் சில மாற்றங்களைச் செய்து பாடல்களைச் சேர்க்கவும் வாய்ப்பிருக்கிறது.