Eelamurasu Australia Online News Portal
புதிதாக உருவாக்கப்படவுள்ள பயங்கரவாத எதிர்ப்புச் சட்டம் தற்போது நடைமுறையில் உள்ளதை விடவும் ஆபத்தானது என்று தெரிவித்துள்ளது முன்னிலை சோசலிசக் கட்சி.
கொழும்பில் நேற்று நடத்திய செய்தியாளர் சந்திப்பின்போது அந்தக் கட்சியின் பேச்சாளர் புபுது ஜகொட இவ்வாறு தெரிவித்துள்ளார். அவர் தெரிவித்தாவது-
நாட்டின் பயங்கரவாத செயல்களுக்கு எதிராகவும், பயங்கரவாதத்துடன் இணைந்த செயற்பாடுகளை தடுப்பதற்காகவும், 1979 ஆம் ஆண்டு 48 ஆம் இலக்க பயங்கரவாத தடைச் சட்டம் கொண்டுவரப்பட்டது. அதைப் பார்க்கிலும் தற்போது கொண்டுவரப்பட்டிருக்கும் பயங்கரவாத எதிர்ப்பு சட்டமானது நீதிக்கு எதிரானது.
பயங்கரவாத தடைச்சட்டத்தை தடை செய்தல் மற்றும் பயங்கரவாத எதிர்ப்பு சட்டம் உட்பட நாட்டு மக்களின் நலனைப் பாதிக்கும் வகையில் அமையும் அடக்கு முறை சட்டங்களை தவிர்பதற்காகவும் ஒன்றிணைந்து குரல் கொடுப்பதற்காக இடதுசாரி கட்சிகள் மற்றும் அமைப்புக்களை உள்ளடக்கிய வகையில் செயற்படவுள்ளோம்.- என்றார்.