Eelamurasu Australia Online News Portal
யாழ்ப்பாணக் குடாநாட்டில் தற்போது சுமார் 14 ஆயிரம் இராணுவத்தினர் நிலை கொண்டுள்ளனர் என்று யாழ்ப்பாணம் தலைமையகக் கட்டளைத் தளபதி மேஜர் ஜெனரல் தர்சன ஹெட்டியராட்சி தெரிவித்துள்ளார்.
குடாநாட்டில் தற்போது 51, 52, 55 ஆகிய 3 டிவிசன்களே நிலைகொண்டுள்ள னர். அவற்றைச் சேர்ந்த சுமார் 14 ஆயிரம் படையினர் தற்போது எனது கட்டுப்பாட்டில் உள்ளனர் என்று அவர் கூறியுள்ளார்.
2017ஆம் ஆண்டு மார்ச் மாதம் யாழ்ப்பாணப் படைகளின் கட்டளைத் தளபதியாகப் பதியேற்ற பின்னர் குடாநாட்டில் படைக்குறைப்பு நடக்கவில்லை என்றும் அவர் சுட்டிக்காட்டியுளார்.
2009ஆம் ஆண்டு போர் உச்சக்கட்டத்தில் இருந்த போது குடாநாட்டில் சுமார் 45 ஆயிரம் படையினர் நிலை கொண்டிருந்தனர். போர் முடிந்து 18 மாதங்களுக்குப் பின்னர் 2010 ஒக்ரோபரில் யாழ்ப்பாணத்தில் இராணுவத்தினரின் எண்ணிக்கையைக் குறைக்கும் நடவடிக்கை ஆரம்பிக்கப்பட்டது. படிப்படியாக இராணுவத்தினரின் எண்ணிக்கை குறைக்கப்பட்டு வந்தது என்றும் அவர் கூறியுள்ளார்.
2014 ஜனவரி மாதம், மேஜர் ஜெனரல் உதய பெரேரா யாழ். படைகளின் தளபதியாக பொறுப்பேற்ற போது, குடாநாட்டில் படையினரின் எண்ணிக்கை 14,600 ஆக குறைக்கப்பட்டிருந்தது. 2015 அதிகர் தேர்தலுக்கு முன்னரே, குடாநாட்டில் படையினரின் எண்ணிக்கை 14 ஆயிரமாக குறைக்கப்பட்டு விட்டது என்றும் ஹெட்டியாராட்சி தெரிவித்துள்ளார்.
வடக்கில் இருந்து படைகளைக் குறைக்க நடவடிக்கை எடுக்கப்பட்டுள்ளது என்று வெளியாகியுள்ள செய்திகள் தொடர்பாக, கொழும்பு ஊடகம் ஒன்றுக்குக் கருத்துத் தெரிவித்தபோதே அவர் இவ்வாறு தெரிவித்துள்ளார்.