பிரபுதேவாவை இயக்கும் பார்த்திபன்!

ஹிந்தி படங்கள் இயக்கிய வந்த பிரபுதேவா, தேவி, குலேபகாவலி படங்களுக்குப் பிறகு பிசியான நடிகராகி விட்டார். தற்போது லட்சுமி படத்தில் நடித்து முடித்திருப்பவர் அடுத்தப்படியாக பொன் மாணிக்கவேல் உட்பட பல படங்களில் நடித்து வருகிறார்.

இந்த நிலையில், பார்த்திபன் இயக்கும் புதிய படத்தில் பிரபுதேவா நடிப்பதாக செய்திகள் வெளியாகியுள்ளன. கோடிட்ட இங்களை நிரப்புக படத்தை அடுத்து உள்ளே வெளியே-2 படத்தை இயக்குவதாக கூறிவந்த பார்த்திபன், இப்போது பிரபுதேவாவை நாயகனாக வைத்து தனது புதிய படத்தை இயக்குகிறாராம்.

இந்த படத்தில் பிரபுதேவாவுக்கு ஜோடியாக தேவி படத்தில் நடித்த தமன்னா மீண்டும் இணைகிறார். இந்த படம் தான் உள்ளே வெளியே 2 படமா? இல்லை வேறு படமா? என்பது குறித்த அறிவிப்பு விரைவில் வெளியாகும் என்று தெரிகிறது.