அவுஸ்ரேலியா அணிக்கு லாங்கர் பயிற்சியாளர்

இந்தியாவிற்கு எதிரான டெஸ்ட் தொடரின்போது இலங்கை டி20 தொடர் வருவதால் இலங்கை தொடருக்கு ஜஸ்டின் லாங்கரை பயிற்சியாளராக அவுஸ்ரேலியா நியமித்துள்ளது.

இலங்கை அணி மூன்று டி20 கிரிக்கெட் போட்டிகளில் விளையாடுவதற்காக அடுத்த ஆண்டு தொடக்கத்தில் அவுஸ்ரேலியா செல்கிறது. முதல் போட்டி மெல்போர்னில் பிப்ரவரி 17-ந்திகதி தொடங்குகிறது. 2-வது போட்டி 19-ந்தேதியும், 3-வது மற்றும் கடைசி போட்டி 22-ந்திகதியும் நடக்க இருக்கிறது.

அதே சமயத்தில் பிப்ரவரி 23-ந்திகதி இந்தியா – அவுஸ்ரேலியா அணிகளுக்கு இடையிலான டெஸ்ட் தொடர் தொடங்குகிறது.

இரண்டிற்கும் வெவ்வேறு அணி என்பதால் அவுஸ்ரேலியா டெஸ்ட் அணி முன்கூட்டியே இந்தியாவிற்கு வந்து விட திட்டமிட்டுள்ளது. அந்த அணியுடன் தலைமை பயிற்சியாளர் லீமென் இந்தியா வந்துவிடுவார். இதனால் இலங்கை அணிக்கெதிரான டி20 அவுஸ்ரேலியா அணிக்கு பயிற்சியாளர் இருக்கமாட்டார். ஆகையால், ஜஸ்டின் லாங்கரை இலங்கை அணிக்கெதிரான தொடருக்காக பயிற்சியாளராக நியமித்துள்ளது அவுஸ்ரேலியா கிரிக்கெட் வாரியம்.